ċℓάşşїċ ҝяα๓їℓά

آلله يجمعك معآه بـّ آلفردوس آلآعلى يَ رب ^_^

دمع الوفا

مضى شهر على وفاة ابي ..
مضى وكأنه لم يمر سوى يوم واحد ..
مضى وسيمضي شهور وسنوات ..
لكن بالنسبه لي لا اشعر بمرور الايام ..
لأني أتذكر ابتسامته وهو في جنازته ..
سأتذكرها وسأتذكر أي شي يربطني به..
سأتذكر عندما قالوا لي انه في غيبوبه..
وأني يجب أن اودعه واتكلم معه لعله يسمعني ..
لأنه سيفارق الحياه في أي لحظه ..
سأتذكر عندما قبلته وقتها وقلت له أني أحبه ..
قلتها ولا أدري إذا كان يسمعني ..
ادعوا الله انه كان يسمعني وانا أقول أحبك يا أبي..

..(سأدعوا له دائما مادمت على قيد الحياه)..


~ دانيه بنت علي ~

دمع الوفا

أشتقت لك شوق يزيد اشواقا فوق اشواقي ~
أشواقي لك يا أبي تفوق كل الأشواقِ ~
لا أدري كيف أعبر عن احاسيسي وأشواقي ~
لكني أشتقت وهذا رد من ردود اشتياقي ~
.
.
*اللهم صبرني في كل مره أشتاق فيها إليه *

القلب ^^ الحنون

الله يصبرك ياقبي

دمع الوفا

اشياء تذكرني بأبوي

احلام عنه •• قبل شهر من وفاته ماما حلمت باسد وجهه حلو مررره وجسمه ضعيف وهو قبل موتو الله يرحمه حلم بأسد يجري وراه وفي نفس اليوم اختي حلمت انه هي تعطيه عسل هو يقولها انا بخير وبعد وفاته الله يرحمه اخوي حلم باننا كنا في مكان حلو معاه
**** **** **** ****
قصه موتو •• كان في المستشفى وكان يقول ابى اخرج يمكن كان حاس انه قرب اجله واختي تقول انه كان يقولها ابى ابني بيت على البحر ابى ابني بيت في الحديقه << يمكن شاف شي عشان كذا قال هذا الكلام - الله اعلم -.. المهم من كثر ماكان يبى يخرج قال لاخوي خرجني وجلس في الكرسي وقتها اخوي ماعرف وش يسوي راح اتصل على امي قالها أبوي بيخرج من المستشفى وانا ما اعرف وش اسوي انتي تعالي امي جات وقالتله خلاص بكره نخرجك << بس قالت كذا عشان لا يخرج..فاقتنع ونام على السرير وبعدها انا جيت سلمت عليه وخرجت واخواني سلموا عليه وخرجوا بس بقيت اختي الصغيره .. بعد كم ساعه جدتي جات تزور أبوي كان يغطي نفسوا عشان لا تشوف بطنه منتفخه والابر في رقبته ويده لانه كان الله يرحمو مايبى يبينلها انه تعبان وبعد ما خرجت قال لاختي اعطيني موية زمزم وشربها ورجعها( استفرغها) دم وقطع دم وفجأه شافته اختي ما يتحرك وفاتح فمه خافت وصارت تنادي بابا وما جاوبها نادت الممرضه شافت****نبضات قلبه متوقفه نادت الدكاتره وبعد محاولات صار ينبض قلبه بس مرررره نبضات خفيفه ودخل في غيبوبه ودخلوه في العنايه المركزه وقتها عرفوا كلهم انه في العناية الا انا لانهم ما يبوا يفجعوني لاني كنت حامل في الشهر ٣ فراحوا كلهم عنده واتصلوا على زوجي وقالولوا هو ماقالي انه في العنايه بس قالي انه تعبان وفي الطريق كنت حاسه انه مات وقاعده اصبر نفسي ولما وصلت قالولي انه في العناية وقتها مابكيت ولا انصدمت لاني كنت متوقعه انه مات المهم وانا في طريقي عشان اشوف بابا امي قاعده تقولي لما تشوفيه كلميه يمكن يسمعك رحت عنده وبست راسه وبكيت امي خافت ابكي بصوت عالي فقالتلي يلا اخرجي عشان ما ينفع يدخل احد في العنايه وانا خارجه ماقدرت اقله ولا كلمه الا كلمه وحده ( بابا انا احبك ) قلتها وانا في نفسي اقول ليتني قلتها من زمان وياليت يابابا تكون سامعني .. خرجوني من الغرفه ورحنا الغرفه اللي كان قاعد فيها قبل ما يدخل في غيبوبه وسبحان الله في ذاك اليوم كان باب العنايه مفتوح ومحد داري عنه وكان مافي دكاتره فنزلنا عنده وقعدنا عند اذنه نقرأ القران ونلقنه الشهاده ومات بعد الغيوبه بيوم << سبحان الله وعد ماما صار خرج من المستشفى اليوم الثاني بس خرج وهو ميت الله يرحمه ..مات وهو رافع السبابه حتى لما غسلوا ماقدروا يحركوها غير بالمويه الحاره وبعد ماكفنوا وجابوا البيت عشان نسلم عليه ونصلي عليه كان مبتسم وبعدها راحوا الحرم عشان يصلوا عليه كانت جنازه بابا اسرع من الجنازتين الثانيه وقت الصلاه ووقت الدفن وبعد ما دفنوا واحد من اهل الخير اللي في الحي قال اشهد انه يصلي في اول الصفوف وبعد فتره سمعت وحده من عماتي تقول انه في واحد شاف نور يخرج من قبره يوم ما دفنوه .. وفي ٣الايام العزا كان الجو مره حلو وغيوم

وبس ما اقول الا انه ان شاء الله يكون مرتاح في قبره ويكون شهيد ويشفعلنا ويصبرنا على فراقه ****

｡◕‿◕｡Å6ĨàҒ｡◕‿◕｡

رحمممممممه الله رحمة وااااااااااااااااااسعة
وغمد روحه الجنة


دام لك قدوة ي دمع الوفا

دمع الوفا

امين والله يرحم كل اموات المسلمين
والله يحفظلكم والديكم